Plantun de Prouvènço

Pèr coumpara dos planto d'encò nostre

Crataegus laevigata & Aethusa cynapium

Acinié(-di-dous-estile)

Crataegus laevigata

Rosaceae

Àutri noum : Acinas, Poumetié.

Nom en français : Aubépine à deux styles.

Descripcioun :
Aquest acinié, que se destrìo dóu coumun emé si dous estile e si fueio di lobe redoun, s'atrovo pas gaire au nostre, e quasi toujour en mountagno. I'agrado mai l'uba d'Éuroupo. La planto èi proutejido sus listo roujo, categourìo LC, es à dire soucit minour.

Usanço :
Li fru e li fueio an li mémi prouprieta que l'acinié, estènt riche en anti-óussidant.

Port : Aubret
Taio : 1 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Crataegus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 10 à 15 mm
Flourido : Printèms

Sòu : Ca
Autour basso e auto : 600 à 1600 m
Aparado : Noun
Abriéu à mai

Liò : Orle de bos - Faio - Bouissoun
Estànci : Subremediterran à Mountagnard
Couroulougi : Éuroupen
Ref. sc. : Crataegus laevigata (Poir.) DC., 1825

Cigudo

Aethusa cynapium

Apiaceae Umbelliferae

Àutri noum : Juvertino, Jouvertino.

Noms en français : Petite cigüe, Ciguë des jardins.

Descripcioun :
La cigudo o juvertino s'atrobo majamen dins li valado de nòsti mountagno (subsp. elata). Es uno planto impourtanto de bèn counèisse pèr la pas counfoundre emé lou juvert, la pastenargo, lou cerfuei o uno autro apiaceae, ço qu'èi toujour poussible se i'a pas li flour o li grano. Quouro flouris, se recounèis à si lòngui bratèio d'involucello que pendoulon, pièi après emé lou fru, redoun emé de costo .

Usanço :
Se saup proun que la cigudo es uno planto di proun empouisounanto. Sabèn pas s'es aquelo meno que serviguè pèr tua Socrate. Dins d'ùni relarg li païsan bouton de juvert frisa dins soun ort pèr pas s'engana.

Port : Erbo
Taio : 0,8 à 2,4 m
Fueio : coumpausado
Tipe bioulougico : Emicriptoufite
Cicle bioulougico :

Gènre : Aethusa
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Remarco :

Liò : Fourèst - Champ - Escoumbre e proche dis oustau - Basso mountagno
Estànci : Subremediterran à Mountagnard
Couroulougi : Éuropenco-Caucasianno
Ref. sc. : Aethusa cynapium L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Crataegus laevigata & Aethusa cynapium

ges

Coumpara Acinié(-di-dous-estile) emé uno autro planto

Coumpara Cigudo emé uno autro planto